Marvel komikslərində Fastball Special adlı maraqlı bir termin var. Bu ifadə əslində beysbolda olan atış texnikasından götürülüb və sonradan komikslərə daşınıb.

Komikslərdə bu, fiziki cəhətdən çox güclü bir qəhrəmanın komanda yoldaşını top kimi qaldırıb düşmənin üstünə atması mənasında işlədilir.

Fastball Special ilk dəfə 1958-ci ildə DC Comics-də ortaya çıxmışdır. Adventure Comics #253 nömrəsində Superboy, Robin-i düşmənlərinin üstünə bu üsulla göndərmişdir.

Lakin bu terminə ad verən və onu məşhurlaşdıran Marvel Comics olmuşdur. X-Men üzvlərindən Colossus-un Wolverine-i düşmənlərə tərəf fırlatması ilə “Fastball Special” klassik səhnəyə çevrilib.

Komikslərdə ən çox “atılan” personaj da məhz Wolverine-dir. Onu Colossus, She-Hulk, Ms. Marvel, hətta Thing kimi güclü qəhrəmanlar dəfələrlə top kimi atıblar.

Fastball Special yalnız komikslərdə deyil, başqa media layihələrində də görünür. Məsələn, X-Men: The Last Stand filmində Colossus, Wolverine-i həm nəhəng robot Sentinel-in, həm də Magneto-nun üstünə atır. Bu səhnə Ultimate Alliance oyununda da mövcuddur.

Məlumat maraqlı gəldisə, bəyənməyi unutmayın.