“Siz başqalarına yaxşılığı əmr edirsiniz, amma özünüzü unudursunuz? Halbuki kitabı oxuyursunuz. Məgər anlamırsınız?”
📖 (Bəqərə, 44)

“Ən böyük zərəri özlərinə edənlər o kəslərdir ki, Allahı unudub, Allah da onlara özlərini unutdurmuşdur.”
📖 (Həşr, 19)

“İnsan, Biz onu nütfədən yaratdıq, amma birdən-birə açıq-aşkar müxalif oldu.”
📖 (Nəhl, 4)

Ey iman edənlər! Həqiqətən, içki (huşlandıran maddələr), qumar, bütlər və falçılıq şeytan əməli olan murdar şeylərdir. Bunlardan uzaq durun ki, bəlkə nicat tapasınız! (Maidə surəsi, 9

Şübhəsiz ki, şeytan içki (huşlandıran maddələr) və qumarla aranıza düşmənçilik və kin salmaq, sizi Allahı anmaqdan və namaz qılmaqdan uzaqlaşdırmaq istəyir. Artıq (bunlara) son qoyacaqsınızmı? (Maidə surəsi, 91)

17. əl-İsra surəsi, 32-ci ayə
Zinaya yaxınlaşmayın. Çünki bu, iyrənc bir əməl və murdar bir yoldur!

İmam Cəfər Sadiq (ə) buyurur: «Elmi gənclərə öyrədin. Çünki onlar böyüklərdən daha tez öyrənər və yadda saxlayarlar.» (əl-Kafi, c.1, s.35) Həmçinin buyurur: «Gənc elmi əldə edib öyrənəndə, onun həyatında və axirətində müvəffəqiyyət olar.» (əl-Kafi, c.1, s.35) Peyğəmbər (s) buyurur: «Allah gənci çox sevir ki, gəncliyini Allaha itaətdə keçirir.» (əl-Məhəccətul-beyza, c.3, s.112) Və əlavə edir: «Gənc Allaha qarşı təqvalı olduqda, Allah onun yolunu açar və hər işində ona müvəffəqiyyət verir.» (əl-Məhəccətul-beyza, c.3, s.112) İmam Əli (ə) buyurur: «Gənc çalışqan və səbirli olduqda, qısa zamanda böyük işlər görər.»

28. əl-Qasas surəsi, 77-ci ayə
Allahın sənə verdiyindən özünə axirət qazan (malını Allah yolunda sərf et). Dünyadakı nəsibini də unutma. (O maldan qismətinin ancaq bir kəfən olduğunu bil. Pulunu mənasız yerə sağa-sola səpələmə; səhhətinin, sərvətinin, gəncliyinin qədrini bil. Sabah səni Allahın əzabından qurtara biləcək yaxşı əməllər et). Allah sənə (sərvət verməklə) yaxşılıq etdiyi kimi, sən də (varından yoxsullara, qohum-əqrəbaya xərcləməklə) yaxşılıq et. Yer üzündə fitnə-fəsad törətməyə cəhd göstərmə. Həqiqətən, Allah fitnə-fəsad törədənləri sevməz!”